අවදිවන්න! හිඳගන්න!
තොපට නින්දෙන් කවර අර්ථයක්ද?
කෙලෙස් හුලින් විදුනා ලදුව
දුක්විදින ලෙඩුන්ට කවර නින්දක්ද?
තොපට නින්දෙන් කවර අර්ථයක්ද?
කෙලෙස් හුලින් විදුනා ලදුව
දුක්විදින ලෙඩුන්ට කවර නින්දක්ද?
අවදිවන්න! හිඳගන්න!
නිවන පිණිස දැඩිව වීරිය කරන්න
මාර රාජයා ඔබේ ප්‍රමාදය දැන
මෝහ දැලෙන් ඔබව වසඟ නොකෙරෙත්වා!
දෙවිවරුද මිනිසුන්ද ඇලී බැදී සිටින ඒ
තෘෂ්ණාව තරණය කරන්න
මේ උතුම් මොහොත ඉක්ම යා නොදෙන්න
උතුම් මොහොත ඉක්මවූවාහු
නිරයෙහි ඉපිද ශෝක කෙරෙත්මය.
ප්‍රමාදය ක්ලේෂයකි
නැවත නැවත ප්‍රමාදයේ පැවැතීම ක්ලේෂයකි
අප්‍රමාදීව නුව‍‍ණින් තමාගේ කෙලෙස් හුල උදුරා දමන්න
බුදුරජාණන් වහන්සේ
උට්ඨාන සූත්‍රය, සුත්ත නිපාතය